山手線住宿推介：JR東日本駒込METS酒店-寄存行李OK-出站1分鐘到達

去東京想住喺山手線又想近站，今次同大家介紹嘅JR東日本駒込METS酒店就完全符合要求！位於京成電鐵日暮里站3站之隔嘅駒込站，由成田機場前發到駒込好方便。酒店喺駒込出站走兩步就到，而且樓下就有ATM，附近又有齊4大便利店、多間餐廳， 好推介大家考慮入住。

選擇酒店原因

1. 酒店十分接近車站，基本上由出閘到酒店Lobby都只係1分鐘路程
2. 酒店可以幫手寄存行李，方便我哋旅程第3-4日遠征群馬縣時可以輕裝上陣

駒込METS酒店房設備

今次入住嘅房型係屬於單人房，房間比想像中闊落，喺床尾足夠同時打開兩個23吋行李篋。房入面有一部具放濕功能嘅空氣清新機、LED智能電視、床頭床尾書枱都有電制位。廁所係乾濕分離，比較似普通香港家庭浴室咁、浴缸空間幾大又深，坐喺度都大概浸到心口。

駒込METS酒店 日用品安排

喺酒店大堂放置咗一個櫃畀各位住客拎牙刷、剃鬚刀、棉花棒呢啲基本日用品。另外比較驚喜酒店仲提供好多浴鹽畀住客浸浴時使用，超正！

預訂酒店記得填寫2位住客入住～

今次入住嘅酒店房間望向駒込市內，夜晚唔會聽到山手線列車途經嘅噪音，早上就算有汽車經過都唔算嘈，隔音算OK。另外，酒店地下有一部Seven銀行嘅ATM，需要海外提款時十分方便。

駒込METS酒店周邊商圈

酒店1樓有Denny’s餐廳(如果訂房時有揀早餐會入內享用)，5-10分鐘路程可以去到4間便利店：NewDays、7-11、Lawson、Family Mart；酒店對面有McDonalds、過一條馬路有鳥貴族，仲有幾間餐廳可以選擇，就算早出晚歸都輕鬆揾到嘢食。

駒込METS酒店房價

今次兩人入住兩晚房價係HK$1,827.66，平均每人每晚HK$457。呢個價錢以酒店方便程度嚟講CP值唔錯，真心推介畀大家～

酒店官方連結 預訂酒店