今次嚟東京就揾咗一間比較Local嘅懷舊咖啡店食早餐。由餐廳門口到踏入咖啡店嗰刻都感覺到好濃嘅懷舊氣式,店內侍應無論男女都著住一套簡單西裝,感覺好似穿越咗入一部8/90年代嘅日劇場景咁。如果你都想揾間有特式嘅餐廳食早餐一定要嚟試下!
珈琲伯爵(巢鴨) 餐廳環境:


入到餐廳無論枱凳、地下嗰張紅色花花地墊、天花嘅燈具都好有一種舊日劇嘅情懷。
珈琲伯爵(巢鴨) 餐牌


早餐類型係主打各款經典嘅多士配咖啡/紅茶,類似香港都有嘅KOMEDA’s coffee咁。價錢大約HK$30-60一份早餐。
珈琲伯爵(巢鴨) 食物



我哋分別叫咗早餐Set B同C,一杯凍咖啡同一杯熱咖啡。份量都唔算細,用嘅麵包十分軟熟,味道普通得嚟有種簡單舒服嘅感覺。Set C有一份乳酪,奶味好濃郁,撈埋蜂蜜食幾好味。
珈琲伯爵(巢鴨) 地址
咖啡店位於JR巢鴨站出口1-2分鐘步程範圍,好方便好易揾。食完早餐仲可以喺附近商店街行下參觀。
