Latest 東京 News
東京賞楓秘景：谷川岳紅葉雪山一次睇晒-上野出發只需2小時！
秋天去日本旅行想體驗與眾不同嘅紅葉之旅？咁你一定要將谷川岳放入賞楓行程當中，唔止可以乘搭纜車喺紅葉之間穿梭，登上海拔逾1,500米山峰。如果11月前往，仲可能同時飽覽到紅葉+雪景！文章整理好交通方法，有興趣嘅朋友可以參考下～
東京温泉旅館一泊二食：天空之湯 NAKAYA 旅館
今次揀嘅温泉旅館交通好方便，由谷川岳坐巴士大約15分鐘就到，周圍環境相當寧靜，設計都相當傳統。旅館周邊冇便利店，只有幾部汽水機，如果夜晚突然肚餓或者口痕，旅館都有少少杯麵同零食買。 天空之湯 NAKAYA 旅館 特色 今次揀天空之湯 NAKAYA 旅館其中一個原因係除咗浴場入面嘅温泉之外，旅館仲有2個位於天台嘅私人温泉，每間房預定使用40分鐘。過咗指定時間之後，例如深夜/早上，仲可以隨時使用。Check-in之後，除咗會有Welcome Drink外，仲可以根據你嘅喜好，去揀一套自己鍾意嘅浴衣，好多色好多款揀，唔同高度都有唔同碼數可以揀，連BB小朋友Size都有。 房間設備 今日入住嘅係日式Tatami客房，空間都相當足夠，放完床鋪都好多走動空間。房內可以連接WiFi、有電視機同水煲，可以喺走廊度拎。 房間入面只係設有廁所，冇浴室，所以沖涼需要到浴場。所以記得一定要喺大廳拎定適合自己嘅浴衣。…